Mawitei Hla Thar – Thilpek Hlu

Moitei pawh a hla thar buaipuia studio a luhchilh hnuah Thil pek hlu tih chu Blue wave produce turin an zo fel ta a,he hla hi Isack Sailo phuah a ni a,a rimawi hian nashville lam a pawl viau a.Music leh Recording hi Bluewave kutchhuak a ni dawn a.Music Video hi One Vision kutchhuak a ni thung dawn a ( Siama svp tia kan hriat kaihhruaina hnuai an ni) hla nem nalh tak bridge ah han nawr ve deuh dat ngai in a hla hi a awm a,mawitei aw nen a in mil hle a,music hi Acoustic ri mawi leh Peldal steel,guitar slide lam ri in a chawm mawi a,mawitei aw ngaihno bei tak nen
aw nen in chawih nalh hle ni.Mawitei hian hmachhawp a nei chho mek a.Rev Zoramsanga hla te pawh an buaipui chho  mek bawk a,a nghahhlelh awm tak zet  hei mai la ni lo Mary Mary – Shackles hla lehlin pawh tih chhuah turin an buaipui chho mek bawk a ni.
Tuna a tin chhuah tur Thil pek hlu hi hi Blue wave records / One Vision youtube channel atanga released  tur a rua man a ni a, TV lam chhun zonet lama  kan hmuh chhunzawm thei thung dawn a ni.
https://www.youtube.com/watch?v=GT-lyWDhx7U
 

 

Andrew Laltlankima Hla thar

Andrew Laltlankima hla thar I DAH Si tih chu BLUE WAVE Records Label atangin tih chhuah a ni dawn ,he hla hi hun rei tak an lo buaipui tawh a,tunah tih chhuah turin an peih fel ta a, a hla hi tunlai music tak mai nen a siam a ni a,backing vocal lamah hian Ruatpuii aw hriat tur te pawh a awm dawn a ni.Andrew hla dang ang lo takin tun tum chu synthesizer lam ri a a ni daih thung,style dang deuh nen a rawn in phochhuak dawn a nih hmel, piancham pualin an ti chhuak dawn a nih hmel a,andrew hian a hla hi a duh a a bikin a hla thu hi a duh em em tih a sawi nghe2.Kan kawng zawhlai mek hi a lo in thlak thei mihring nun leh hun tawn a lo danglam thei,ka dawn thin nitin in,engpawh tawk ila khawvel pek theih loh chu kan tan a dah reng tih hi ka ngaihtuah fo thin..
He hla hi blue wave records produced a ni a,music & Recording pawh blue wave kutchhuak a ni dawn bawk a,lyric video a tin chhuah tur a ni a,
lyric video lam siamtu hi Defuze Design the an ni a ,blue wave records youtube channel leh andrew channel ah huh theihin a awm dawn ani.

Kar hla Thian

Kar hla Thian
C.Lalthazuala

Kum 1980 hnu lama Mizo hla lenglawng miten an hriat hlawh ber ber zingah rau rau pawh C.Dinthanga hla phuah, Joseph Zokunga’n a thluk a siam, ‘Kar hla \hian’ tih hle kher kher hi chuan a daih rei hle dawn anih hi maw!!!
A sa lartu Peter C.Lalrinmawia’n he hla mawi taka a han luanliampui dan lah hi sawisel bo a ni thlawt mai a, a sa fuh em em a, a thluk kalphung hrim hrim hi a ma sak tur liau liau a siam emaw tih mai tur a ni a, a remna rimawi lah hi hun in her chho zelah pawh a fuh chho telh telh dawn niin a lang. He hla an record kum, 1982 hun vel laia Otto Recording Studio vela an hmanraw neih theih tawk turte han ngaihtuah let phei chuan, he hla an record lai leh an record-naa an thiamna hlu tak tak thawhtu ‘Musicians’ te hi an chhuanawm tak zet a ni.
C.Dinthanga hla ‘Kar hla \hian’ tih hla \ha tak mai leh mawi em em mai hian, 1980 chho vela Zo rimawi hartharna thlipui tleh hem hem nen chuan a in nang fuh tiin sawi ta ila a dik khawp ang. Arts & Culture Department peng pakhat, Institute of Music & Fine Arts (IMFA) a, chief music instructor, Joseph Zokunga, Zofate zingah chuan rimawi khawvela a sulsutu pawimawh ber zinga mi chuan, a ngiala ngana sap hla thluk lak chhawn awm miah lo vin ‘Kar hla \hian’ tih hla thu mawi leh ngaihno bei zet mai hi a thluk a irawm ngei maiin a han siam chhuak a, a mawiin a chhuanawm tak zet zet a ni.
C.Dinthanga hian, “He hla Joseph-a nena kan siam dun lai hian ka hla thluk lunglen zawng leh ka rilrua hla thluk lo lang ve mek chu ka lo rum pui vang vang \hin a, Pu Joseph-a pawhin a rilruah a thluk a nei ve sa tho bawk a, music zirna school-a zir chhuak, staff notation thlenga thiam a ni a, music note leh a chord-te a han siam zung zung a, he hla thluk mawi tak hi kan puitlin ta a ni,” tiin a sawi.
He hla thluk hi Pu Joseph Zokunga hla thluk siam, hla thluk dang ho nena kalphung a dang deuh tlat mai a, ngun taka han ngaihthlak hian, C.Dinthanga’n ama irawm ngeia hla thluk a lo siam ve tawhte nen inlai chinna thuk tak a nei ru ve tlat mai a, musician ropui leh hla thluk siam thiam ropui Joseph Zokunga’n ngun taka hla thluk siam tura a insawr bing mek lai hian a bula lo \hu ve reng C.Dinthanga lo rum vei vang vang \hin chuan Joseph Zokunga rilru leh ngaihtuahnaah nghawng engemaw tak chu a nei ngei a ni tih hi phat tur a awm lem lo ve.
He hla hi C.Dinthanga hian Saikot, Churachandpur-a a penfriend, a hring a hrana a hmuh phak hauh si loh, hmuh a chak em em \hin, Thangliana a phuahna a ni a, telephone-te khawvel ram puma heti taka a la lar hma chuan lehkhathawn hmanga khawvel hmun hrang hrang, ram hran daiha awm te \hiana insiam hi a lo lar \hin hle mai a, C.Dinthanga leh Thangliana pawh hi lehkhathawn hmangin \hian \ha taka insiamin, he hla thu mawi tak mai hmang hian an inkara in\hian \hatna leh inngainatna thuk tak awm mek chu C.Dinthanga hian a hrilhfiah chhuak \ha tawk hle a ni.
‘Kar hla \hian’ tih hla hi 1982-ah Otto recording studio-ah record a ni a, engkim an peihfel thlep hnuah All India Radio, Aizawl Station-ah dah chhovin Radio station a\anga tih chhuah anih hnu reiloteah Mizoram dung leh vang, chhak leh thlang, chhim leh hmar a deng chhuak nghal a, tun thlengin, kum 30 zet a herliam tak hnuah meuh pawh, Mizo \halaite awmtleitu, Mizo \halaite hla duh berte zinga mi a la ni ta fan reng a, a la ni chho zel dawn a nih hmel hle mai.
IMFA (Institute of Music & Fine Arts) music instructor RK Zothangtluanga (Sena) chuan ‘Kar’hla \hian’ tih bul \anna (Introductory part) atana James B.Ralte Guitar han khawih zet hi chu a kut chhuak rau rauah pawh mawi ka tih ber leh fuh ka tih ber a ni hial awm e’ tia sawiin, a felfai \hah mai a, chubakah a hla mawina tibelhchhah lehzual turin, James B.Ralte hian Guitarist anga a mawhphurhna a hlenchhuak \ha takzet a ni, tiin ‘comment’ a pe nghe nghe a ni.
A ni ngawt mai, he hla bul \anna’na James B.Ratea’n electronic effect hmang hauh lo va electric guitar, accostic guitar ri ang mai a, fel fai \heh\hawha a han thaikual deuh zaih zaih mai hi chu a mak a, a mawi a, a dangdai zar mai a, a hla thluk inthlak chho leh a hla inthlak dan mila ‘chord’ inthlakthleng ve zel dawh zawmna’na ‘guitar-pooling’ mawi tak leh lunglen thlak zet maia a han khawih kul vei ngaih ngaih \hinte hian James B.Ralte ‘creativity’ \hatzia a pholang chiang teh asin mawle!!!
A awm ve bawk e, Bombay, mood indigo, IIT, PAWAY, hmuna India ram pum huap college literature and cultural festival an nghah \uma \ing\ang perha pakhatna dinhmun lo zuk hauh tawh kha James B.Ralte hi a ni tlat mai, guitarist anga a mawhphurhna, he hlaah hian a hlen chhuak ve a ni tih hi kan pawm tlan dan tur a ni ber mai ang chu.
Kum 20 vel zet All India Radio, Aizawl kaltlanga Peter C.Lalrinmawia’n a lo larpui hnuin tunhnai maiah Joseph Zaihmingthanga’n a rawn thar thawh ve leh a, ‘Sakhmel tawn ni awm si lo’ tihlai tlar taka, ‘Tawn ni’ tih thumal hi a phuahtu rawn lem lo vin ‘Tawn tur’ tiin a rawn thlakthleng mauh mai a, mite hla phuah, a phuahtu phalna emaw, rem tihna emaw, la hmasa lo va mahni tawka lo thlak ngawt mai hi chin tam fo loh atan a \ha fo ngei ang.
Tin, Joseph Zaihmingthanga soundtrack hi tunlai electronic keyboard hmanga siam a nih avangin a hmaa kan han sawi uar tak James B.Ralte-a guitar khawih mawi tak ang deuh a, tunlai guitarist tharlam, talent nei \ha takte guitar perh ri hriat tur a awm ve lem lo va, Joseph Zokunga rythm-guitar, struming ri rual mawi \heh \hawh ang te, Lalduhawma bass guitar perh mawi tak mai leh a hla chang leh a hla chang inthlak kar laka a satu Peter C.Lalrinmawia bass-drum tlawh ri nena, inchawih taka, guitar hrui thum tawlh kual vel ang te, a original version-a kan hriat ang kha hriat tur a awm ve ta lo va, thlang sappui hoin ‘Old is Gold’ an lo ti ta mek mek bawk a, a dik tak chuan a ‘original version’ nge nge kha chu, tun hnaia Joseph Zaihmingthanga’n ‘Kar hla \hian’ rawn sak thar ve lehna atana a hman ‘music track’ hi chuan a phak lo deuh niin a lang.
Aw le, C.Dinthanga’n kum 1982 vela ‘Van dumpawl leh boruak thiang karah’ tia hla thu hmanga a lo puan chhuah ang tho khan, tun hun, kum 2012 kan hmanlai meka van boruak Zawlkhawpui mawi tak mai chung van boruakte khi, an la dumpawl ruih mai si a, boruak pawh a la thiang nuam viau tho mai si a, he hla mawi dangdai tak mai hi lungchim takin i lo ngaithla nawn leh \hin dawn nia.

Kar hla |hian
Phuahtu : C.Dinthanga
Satu : Peter C.Lalrinmawia,
Joseph Zaihmingthanga

1. Kawlvalenchhama leng \hian duh tak
I tan thaikawi biahthu ka rawn tir a
Aw sakhmel tawnni her lo
Mahse i hlimthla thlirin
Thinlaiah ai ang i cham reng e

2. Van dumpawl leh boruak thiang karah
Awmhar kan run riangteah hian maw
Kei lungmawl hian lungchimte’n
Ka dawn vawng vawng \hin che a
Sakhmel tawnni awm si lo, ka \hian

Sakhmel tawn loh kar hla \hian
Kan kar lam tluang a thui vawng vawng
Ka thinlung chhungrilah
I cham reng aw ka \hian

3. Thaikawi biahthu ka hlan tawh che a
Ka tan thaikawi biahthu mi hlan ve la
I sakhmel mawi leh anka mawiin
Lairil a fan ngei e
Engtikah tawnni her ve ang maw

Tommy Hla Thar

Tommy L Pachuau hla thar Hi tih chu BLUE WAVE Records Label atangin tih chhuah a ni a,blue wave youtube channel /soundcloud leh bluewaverecords.in ah ngaiththlak theih tawh ,he hla hi Zirtir nei tha tak hla ‘Mizo thalaite / Nu le Pa leh Tunlai khawvel’ a fun kim hle.Kan Mizo hla ah hian tiang tak hi a la awm lo mai thei tih tur a ni a,lehlin ni si lo hla changkang tak a ni,a music bik ah hian Mizo folk te zeh tel a ni a (tum boh boh ) te a ri tel nawk,a thunawn ah Latin lam despacito ang tluka lam rem in a khai nung tha.A hla thu ah hian zana bike a ring tak2 a tlanin mi chungkua a tih buai zia te a ti lang in fate ngaihsak lawk lo a tawp ah camp nawr lut te,politician phei chu awi ka sawi peih lo tihte a hla hian TUNLAI KAN ZORAM KHAWVEL a thai lang tha viau mai,ngaithla la i nui anga i dik i ti bawk si ang.